上次那個小魔鬼造型雖然一致獲得爸爸媽媽及網友的好評，但瀅瀅自己卻非常不能接受，當媽媽給她戴上後，小妮子居然哭起來．．．

後來媽媽威逼利誘，才肯戴着讓媽媽拍照，所以那張相是哭完後拍的，笑容很有點牽強（可睇返上一篇）！

．．．

某一天晩上，吃過飯後我哋到TASTE逛下，見到林林總緦的萬聖誕節扮嘢用品及衣飾．．．

媽媽：「咁萬聖節唔扮魔鬼女巫扮乜嘢好呀？」

瀅瀅：「我唔扮魔鬼呀，媽咪！」

忽然小妮子雙眼發光，原來見到她至愛的蝴蝶及天使造型衣飾．．．

瀅瀅：「嘩．．．我要扮蝴蝶呀，媽咪買啦！」

媽媽這才想起，家裡有兩套這些蝴蝶造型衫，是之前瀅瀅姑姐及皓程爸送的。小妮子於是急不及待要回家扮靚靚！

．．．

首先試皓程爸送的那套，有一條花花紗裙，一對蝴蝶翅膀及一個花花頭箍。

姑姐送的一套，就有一對天使翅膀及一個藍色羽毛頭箍．．．

穿上可愛造型衫的瀅瀅興奮無比，還搔首弄姿，擺甫士叫媽媽替她影相．．．

更o靚模上身，行起catwalk來．．．

居然仲識轉身添，似模似樣喎．．．

好似好專業咁噃，唔知可唔可以兼職做小小模特兒，替媽媽賺點外快呢！